Американски судија го одби барањето на режисерот Роман Полански да му се дозволи да се врати во САД без закана за затвор, четири децении откако побегна од таа земја поради обвинение за силување на малолетничка.
Судијата Скор Гордон одлучи да го отфрли барањето на Полански, се наведува во писмената одлука на повисокиот суд во Лос Анџелес, објавена ноќеска.
Со оваа одлука на судот се задржува статусот кво на познатиот режисер и ако се врати на американска земја може да биде уапсен.
Роман Полански е обвинет дека ја дрогирал, а потоа и силувал една 13-годишна девојка во куќата на Џек Николсон во 1977 година. Полански призна дека имал сексуални односи со неа кога беа отфрлени потешки обвинувања и помина 42 дена во притвор пред да биде пуштен со кауција. Тој побегна во Франција во 1987 година и веќе никогаш не се врати во САД.
Преку својот адвокат 80 годишниот режисер на судот во Лос Анџелес му пренесе дека веќе „ја издржал својата казна“ и дека сака да стави крај на овој случај. Но, судијата рече дека Полански не дал доволно уверливи докази за поддршка на неговото барање.
Ново рочиште за овој случај е закажано на 26 април