Хеликоптер со кој мексиканскиот министер за внатрешни работи Алфонсо Наварете се превезуваше до местото на синоќешниот земјотрес во Мексико, се урна при слетувањето, при што загинаа неколку луѓе на земјата, соопшти претседателот Енрике Пења Нието. Претседателот соопшти дека министерот не е повреден.
Наварете патувал заедно со гувернерот на државата Оахака Алехандро Мурат и уште неколку владини претставници кон градот Пинотепа де Сан Луис, во зоната која неколку часа претходно беше погодена од земјотрес со интензитет од 7,2.
„Министерот Навара и гувернерот Алехандро Мурат, како и екипажот, се неповредени. За жал, неколку луѓе на земјата загинале, а други се повредени”, напиша на Твитер претседателот Нието и изрази сочувство на семејствата на жртвите.
За каналот „Телевиса” Алфонсо Наварете изјави дека пилотот на хеликоптерот изгубил контрола над машината на околу 40 метри од земјата.
Репортер на „Телевиса”, кој патувал со министерот, раскажа дека хеликоптерот ненадејно паднал откако кренал голем облак прашина над теренот за слетување. Новинарот, кој успеал да го напушти хеликоптерот со помош на војската, видел најмалку три тела.
https://www.youtube.com/watch?v=4LD52tHajbo
Најмалку 50 куќи се оштетени, а милион луѓе останаа без електрична енергија по силниот земјотрес со интензитет од 7,2 степени по Рихтер кој ги потресе јужните и централните делови на Мексико, а беше почувствуван и во главниот град.
Првично американскиот геофизички институт соопшти дека магнитудата е 7,5 степени, по што ја намали јачина на потресот.
Епицентарот бил во близина на тихоокеанското крајбрежје, на два километри источно од градот Пинотепа де Дон Луис, на 148 километри југозападно од градот Оахака, на длабочина од 24 километри.
Нема податоци за жртви, но има повредени.
Во главниот град на Мексико, зградите се нишале повеќе од една минута.
По земјотресот, денеска се регистрирани 60 последователни потреси, при што најсилниот беше со интензитет од 5,9 степени.
На 7 септември, земјотрес со интензитет 8,2 стресе го погоди Мексико и го одзеде животот на 96 лица, главно во државата Оахака.
На 19 септември, во земјотрес со интензитет од 7,1 степени загинаа 369 лица во земјата, токму на денот кога Мексиканците ја одбележа 32-годишнина од моќниот земјотрес од 1985 година, во кој загинаа околу 10 000 луѓе.





