На 59 годишна возраст по тешко боледување почина актерката Перихан Туна Ејупи, доајен на Турскиот театар. Од 1972 година Перихан Туна Ејупи е член на ансамблот на Турската драма
Во Театарот на народностите, во ансамблот на Турската драма, Перихан Туна Ејупи беше член од 1972 каде одигра голем број на улоги. Дел од успешно одиграните улоги се улогите на Зона Замфирова, Коштана Инџи и Мехтап во „Женички“, Рабија во „Дневник на стравот“, Агафија Тихоновна во „Женидба“, Клодија во „Тетовирани души“.
Перихан Туна во 2005 година е прогласена за актер на годината, добитник е и на наградата за најдобро актерско остварување на Фестивалот на камерен театар „Ристо Шишков“ во 1997 година.
Комеморативна седница ќе се одржи утре во 10.30 часот во Театар Комедија, а погребот ќе биде на гробиштата Бутел.