Кардиналот Бернанд Ло, поранешен бискуп од Бостон, кој стана симбол за сексуалната злоупотреба на деца од страна на Римокатоличката црква, по скандалот кој се појави во јануари 2002 година, почина на 86 годишна возраст.
Извори блиски до Ло соопштија дека по долгодишна битка со дијабетот и срцевите заболувања подлегнал на лошата здравствена состојба во која се наоѓал.
Ло беше именуван за бостонски надбискуп во 1984 година, но се повлече од функцијата во 2002 година по низа извештаи на истражувачки тим од весникот „Бостон Глоуб“. Во нивната сторија беше откирен „ланецот“ свештеници кои со години злоставувале деца. Подоцна се откриени слични стории на оваа ширум САД и Европа.
Минатиот септември Папа Франсис, се огради од овој скандал со тврдења дека Католичката црква, не презела навремени мерки, а кога веќе биле запознаени одблизу со случајот, било предоцна.
По приказната на тимот новинари од „Бостон Глоуб“ 2015 година е снимен филмот „Спотлајт“, добитник на Оскар, кој на јавноста и го доближи влијанието на црквата врз власта и законот.
https://www.youtube.com/watch?v=Zg5zSVxx9JM
Кардиналот Ло беше обвинет за преместување на свештеници педофили од една во друга парохија, наместо да се соочат во обвинувања. По заминувањето од Бостон, тој работи во Ватикан, се до 2011 година.
Погребната церемонија ќе се одржи во „Базилика Св.Петар“ од страна на останатите кардинали и Папата.