Американскиот писател Филип Рот почина синоќа на 85-годишна возраст, од конгестивна срцева болест, соопшти неговиот агент Ендрју Вејли.

Рот е автор на повеќе од 30 збирки приказни и романи, меѓу кои се „Портоевата болка“, „Човечка дамка“, „Збогум, Колумбо“, „Заговор против Америка“, и други.

Рот е многукратно наградуван- две национални награди за книги, за романот „Американска пасторала“ во 1998 година ја доби Пулицеровата награда, а беше многупати и фаворит за Нобеловата награда.