Во текот на вчерашниот ден починало новороденчето чија мајка во петокот вечерта беше донесена во Клиничката болница во Тетово, а која почина при породувањето, информираше Министерството за здравство.
„Новороденчето починало вчера во текот на денот. Било примено во тешка состојба на Детска клиника во Скопје, со ниски породилни оценки. Она што е успешно е што во Тетово е интубирано со венска линија, направено е сè како што треба, но, за жал, бебето било во многу тешка состојба и починало“, информира Министерството.
Мајката почина на полноќ помеѓу 29 и 30 септември кога била донесена на клиниката со висок притисок и влошена здравствена состојба.
Константирано било дека породувањето веќе започнало и било постапено според протоколот, меѓутоа за кратко време пациентката паднала во кома, а дежурните лекари во меѓувреме ја породиле. Направена била реанимација, но пациентката не давала знаци на живот.