Денес во болницата Ребро во Загреб, од силна пневмонија и компликации што следеа по трансплантацијата на бубрег во ноември минатата година, почина легендарниот сараевски музичар Кемал Монтено. Имаше 66 години.
Кемал по операцијата пред две недели повторно заврши во болница, од висока температура и ослабен имунолошки систем. Монтено неодамна се разболе и од пневмонија, која на крајот се покажа фатална.
Богатата кариера почна да ја гради на фестивалот од шеесеттите ‘Вашиот шлагер на сезоната ” на кој настапува со песната” Лидија “. Благодарение на овој фестивал Кемо, како што беше познат меѓу неговите пријатели, ги освои симпатиите на публиката во целиот регион и редовно почна да победува, добивајќи голем број награди и признанија за својата работа.
Во доцните седумдесетти публиката ја освојува со песните ” Земјо моја” и “Сараево, љубов моја”, а во текот на неговата кариера тој објави вкупно 15 албуми.
Пејачот велеше дека вечна инспирација му е долгогодишната партнерка, сопругата Бранка, со која имаат ќерка Адријана и синот Џани.