По 70 години на кралскиот трон, на 88.годишна возраст почина монархот на Тајланд Бумибол Адулиадеј.
Тој во светската историја е познат како крал којшто најдолго бил на власт. Беше исклучително почитувана личност во земјата и се сметаше за фактор на стабилност во земјата со исклучителна политичка нестабилност и повеќекратни државни удари.
Последниве години бил со кревко здравје и малку се појавуваше во јавност. Во неделата, палатата соопшти дека здравјето на кралот е сериозно нарушено и неговата состојба е нестабилна.
Голем број граѓани облекоа розова облека во обид да донесат среќа за кралот. Пред болницата во која тој беше сместен секојдневно се собираа стотици граѓани каде што се молеа за неговото здравје.
Наследник на Бумибол најверојатно ќе биде неговиот 63 – годишен син, крунисаниот принц Ваџаиралонгкорн, кој ја нема харизмата ниту почитувањето како неговиот татко.
Кралот Бумибол, кој беше роден во Кембриџ, во сојузната американска држава Масачусетс, го наследи тронот во јуни 1964 година од неговиот брат, кралот Ананда Махидол, по неговата смрт.