Денес почина таткото на ИКЕА, познатиот синџир продавници за мебел основан во Шведска.
Ингвар Кампрад имаше 91 година. Тој е еден од најбогатите луѓе на планетата. Со само 17 години го почнува бизнисот со мебел. Фирмата на почеток функционирала само со испорака преку пошта а првата продавница е отворена во 1958 година, две години откако еден од вработените добил идеја да ги размонтира ногарките на масата за да може полесно да се спакува и транспортира производот.
ИКЕА денес има 300 продавници во 38 земји ширум светот и ретки се домовите или канцелариите во кои нема барем едно парче ИКЕА мебел, позната по достапните цени, модерниот дизајн и практичноста на мебелот.
Богатството на Кампрад се проценува на 3,5 милијарди долари според пресметките на списанието Forbes.
Кампрад се повлече од позицијата главен извршен директор на компанијата во 2013 година и ја остави ИКЕА во рацете на синот Матијас, едно од неговите четири деца.