Вон парламентарните опозициски партии на Албанците заедно со нивните приврзаници и граѓани Албанци од најразлична возраст, во моментот од паркот во Чаир тргнаа на протест пред Владата. На протестот се веат десетици албански знамиња , а на разглас се скандира „Али предавник“ и „Демократија“, јавува репортерката на НОВА Славица Филиповска.
Како што стоеше во најавата на Опозицискиот совет на Албанците, протестот е организиран заради поголеми права, почит и достоинство на албанското население во земјава, како и, како што велат тие, запирање на политички монтираните случаи.
Организаторите најавија дека со овој протест се дава подршка на СЈО. Протестот е мирен и под силно полициско обезбедување, а од опозициските партии на Албанците не учествува само ДПА.
За во 18 часот е најавен протест и на Шарената револуција чие завршно место е исто така Владата, но не се знае дали полицијата ќе дозволи двата протеста да се спојат.