Градот Скопје почнува со реконструкција на булеварот “Партизански одреди” на потегот од раскрсницата со улицата Франклин Рузвелт до раскрсницата со булеварот 8.Септември, соопшти Град Скопје.
Ова е втор дел од проектот за реконструкција на коловозот на булеварот Партизански одреди. Со оваа реконструкција ќе се изврши гребење на постоечкиот и нанесување на два слоја на асфалт на шесте ленти на потег во должина од околу 900 метри, или околу 1.900 метри во двата правци.
Рокот за изведбата е 90 дена, вели Градот Скопје. И додава дека работите би требало да завршат пред почетокот на училишната година.
На реконструкцијата на бул. Партизански одреди ќе работат екипите на градежната компанија „Бауер БГ“, а за овој зафат Градот Скопје ќе одвои околу 29,2 милиони денари.
Се повикаат автомобилистите да возат внимателно за време на градежните работи но и потоа.