Американскиот претседател Доналд Трамп и рускиот претседател Владимир Путин денеска во Хелсинки се среќаат на како што се оценува историска средба на која како што изјави Трамп во изјавата пред почетокот на самитот што ќе се одржува зад затворени врати, ќе разговараат од трговијата , преку проектилите и Кина, до војската.
-Најважно е што имаме многу добри работи за да разговараме. Имаме одлични можности заедно како две земји кои искрено, последниве години не сме имале премногу добри односи, рече Трамп.
Тој рече дека се надева на “извонредни односи” меѓу двете земји.
-Навистина мислам дека светот сака да се среќаваме, рече американскиот претседател.
Како што објави американските медиуми, Трамп му честитал на Путин за “едно од најдобрите досега организирани” Светски првенства и за успехот на рускиот тим во натпреварот откако стигнаа до четврт-финалето.
Рускиот претседател на американскиот колега му рекол дека е време да се разговара за билатералните државни односи и за тешките проблеми помеѓу другите земји, јави Финската државна телевизија.
Средбата Путин-Трамп е во претседателската палата во Хелсинки, позната како жолтата палата Лина.
Средбата на двајцата лидери предизвика протести во Хелсинки.
Активистите за правото на абортус носеат маски со ликот на Трамп, а меѓу демонстрантите се и анти фашистички групи и поддрѓувачи на правата на хомосексуалците.
Членови на „Гринпис“ истакнаа 64 метри плакат на камбанеријата на една од црквите во Хелсинки, на кој пишува „Стоплете ги нашите срца, а не нашата планета“.
За денеска во Хелсинки пријавени се 13 протсети поради Самитот Трамп-Путин.





