Драги браќа,
Јас ве свикав на овој Конзисториум (собир на кардинали), не само за трите канонизации, туку и да Ви ја кажам одлуката што е од голема важност за животот на Црквата. Откако постојано ја испитував мојата совест пред Бога, дојдов до вистината дека мојата сила, поради напреднатата возраст, веќе не одговара да и’ служи на духот на Католичка црква.
Јас сум свесен дека оваа служба, поради нејзината суштинска духовна природа, мора да се врши не само со зборови и дела, туку и со молитва и страдање.
Сепак, во денешниот свет, кој е подложен на многу брзи промени и е потресен од прашањата со длабоко значење за животот на верата, со цел да се регулираат кората на Свети Петар, и проповед на Евангелието, и силата на умот и телото што се потребни, сила која во последните неколку месеци, во мене ослабнува до тој степен што морам да ја признаам мојата неспособност соодветно да ја исполнувам службата која ми е доверена.
Заради оваа причина, сосема свесен за сериозноста на овој чин, со потполна одговорст и слобода изјавувам дека се откажувам од службата епископ на Рим, наследник на Свети Петар, која ми беше доверена од страна на кардиналите на 19 април 2005 година, така што од 28 февруари 2013 година, во 20:00 часаот, позициите на епископ на Рим и наследник на Свети Петар, ќе бидат слободни и конклавата за избор на новиот Врховен понтиф ќе треба да се свикува од страна на оние чија надлежност е тоа.
Драги браќа, Ви благодарам, најискрено за сите за љубовта и работата со која ме поддржувате во мојата служба, а јас барам помилување за сите мои недостатоци.
И сега, ајде да и ја довериме на Светата Црква грижата за нашиот Врховен Пастир, Господ Исус Христос и Марија Бгородица во изборот на новиот папа.
Што се однесува до мене, сакам, исто така, посветено да служам на Светата Црква Божја во иднина преку живот посветен на молитва.
(интегрален текст од обраќањето на Папата)