Со погребна служба во која учествуваа 12 свештеници и монаси на православните гробишта во Суботица беше погребана Тијана Јуриќ. Погребната поворка точно во 17 часот по огласувањето на камбаната се упати кон гробиштата, каде според српските медиуми, имало над две илјади луѓе.
На чело на поворката биле нејзините најдобри другарки и двете момчиња кои последни ја виделе. Во Суботица денеска е ден на жалост.
Над отворениот гроб на убиената девојка со траорен говор за нејзините желби и прекината надеж зборуваше Милош Станковиќ, глумец од суботичкиот Народен театар.
Во 19 часот е закажан протест на врсниците на Тијана против насилството, кој ќе одржи на плоштадот во Суботица.
Телото на девојчето Тијана Јуриќ полицијата го пронајде во поле, 10 километри од Сомбор. Полицијата до местото на телото ја одвел самиот убиец Драган Ѓуриќ.
Ѓуриќ во Бајмок, ноќта помеѓу 25-ти и 26-ти јули со автомобил ја удрил Тијана Јуриќ, потоа и пристапил и кога побарала помош ја фатил за врат и започнал да ја удира, по што ја одвел со автомобилот до Сомбор, а обдукцијата ќе покаже и дали била силувана.
Експертите велат дека сличајот ќе биде анализиран, со оглед на тоа што не станува збор за вообичаена патологија во општеството.
За ова тешко кривично дело казната затвор се движи д 30 до 40 години.