Неготинската полиција поднесе Известување до Основното јавно обвинителство против трите малолетни ученички кои тепаа соученичка во дворот на училиштето „Гоце Делчев“ во Неготино, поради постоење на основано сомнение за сторено кривично дело „насилство“, казниво по член 386 став 2 од КЗ на РМ.
Ученичките се на возраст од 13,14 и 15 години и сите учат во Основното училиште „Гоце Делчев“.
Малолетничките кривичното дело го сториле во два наврати на 11.04.2018 година при што физички нападнале 14 годишна ученичка од истото училиште и нанеле телесни повреди.
За истиот настан, полицијата поднесе кривична пријава и против обезбедувањето на училиштето поради постоење на основано сомнение за сторено кривично дело „несовесно работење во службата“, казниво по член 353 в став 1 од КЗ на РМ.
Имено пријавениот на 11.04.2018 година, на работното место обезбедување на училиштето од агенција за обезбедување “SOS”, не ги извршувал дејствијата за кои бил должен да ги извршува.