Полицијата во Осло откри и деактивираше експлозивна направа во мигрантскиот кварт „Гронлан“ доцна вчера, при што е уапсен еден човек, јави Ројтерс.
Според првичните податоци, бомбата била со мала моќност и била неутрализирана од тим деминери, откако регионот бил блокиран.
„Експлозивната направа беше посилна од она што нашите експлозиви би можеле да го предизвикаат сами“, прокоментира пред Ројтерс полициски службеник по контролираната детонација, откако така, потврди дека сомнителниот предмет не само што личи на бомба, но и реално е во состојба да нанесе штета.
„Гронлан“ е главно мигрантски кварт, каде што живеат дојденци од Африка и Блискиот Исток, има неколку џамии и исламски културен центар. Тука се наоѓа и седиштето на полицијата на Осло. Норвешкото внатрешно разузнавање ја презеде истрагата за случајот.
Инцидентот се случи два дена откако камион удри во група пешаци во шведската престолнина Стокхолм при што четворица загинаа, 15 беа повредени. Норвешките власти го окарактеризираа случајот како терористички акт. По потерница беше уапсен наводниот возач на камионот – 39-годишен маж од Узбекистан.