Интегрално соопштение на Министерството за финансии
Министерството за финансии ги информира сите лица што беа евидентирани од Комисијата за проценка на штетите во подрачјата зафатени од поплавите во Скопскиот и Тетовскиот регион дека ќе бидат опфатени со авансната исплата на средства согласно динамиката со која што податоците стигнуваат во Министерството за финансии.
Голем е бројот на лицата кои што во изминатите два дена ги имаат доставено податоците за банката во која што сакаат да им бидат исплатени средствата. Со цел да се избегнат блокадите на телефонските линии во Министерството за финансии, поради големиот број на регистрирани повици, ги замолуваме сите оние кои веќе еднаш воспоставиле контакт со Министерството да им остават простор на останатите да се јават.
Исто така, Министерството за финансии ги известува граѓаните дека можат да пратат и смс порака со име и презиме и име на банка до надлежните во Министерството за финансии на следниот број: 070 271 410
Би сакале да истакнеме дека во моментов се прибираат податоци исклучиво за лицата кои што се наоѓаат на списокот кои што е доставен од страна на Комисијата за проценка на штета.
Податоците и нивниот телефонски број за контакт, граѓаните можат да ги достават и на следната е-пошта: finance@finance.gov.mk