МВР соопштува дека во поплавите кои го погодина Скопскиот регион, оштетени биле домовите и на 135 припадници на полицијата.

Според податоците на службите нема настрадани полицајци или членови на нивните семејства.

Со цел да им се помогне на Министерството и Синдикатот на полицијата (МПС) покренуваат повеќе акции.

Како што информира МВР, во тек е акција за задршка на платата на вработените во МВР од по 100 денари, кои ќе бидат доделени на сите  вработени во МВР кои се оштетени од поплавите.

МПС пак, од Солидарниот фонд дополнително ќе додели по една просечна плата за настраданите членови на МПС.

Министерството и МПС организираат акција за дистрибуција на специјални маски за заштита од бактерии и вируси и медицински ракавици за сите ангажирани нивни колеги кои пружаат помош на оштетените во поплавата.