Најмалку две лица загинаа во поплавите во северна Шпанија, а повеќе од 50 се евакуирани од погодените области, соопштија денеска властите. Причините за смртта на две лица во претходните три дена, владата ги лоцира во излевање на надојдените реки по обилните врнежи од дожд и снег.
Поради излевање на реката Ебро, властите денеска наредија евакуација на 55 жители од селата на границата на регионот Навара и Арагон, каде во сила е тревода за опасни временски услови. Нивото на реката Ебро во некои области се искачи на 8,5 метри, со што беше соборен рекордот поставен за време на поплавите пред шест години.
Шпанскиот премиер Педро Санчез денеска ги поврза поплавите со растечките последици од климатските промени на Пиринејскиот Полуостров. Тој најави дека Владата ќе објави декларација за „зона на катастрофа“ со која ќе се предвиди издвојување на посебни средства за подрачјата погодени од невремето.