Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Последното танго на власта и опозицијата

0
By Нова ТВ on January 23, 2020 ПОЛИТИКА
Фото: frontline.mk
СПОДЕЛИ
Facebook Twitter LinkedIn Email

До распуштањето на парламентот на 11 февруари на сцена е последниот обид за донесување на Законот за јавното обвинителство. Времето е кратко, волјата неизвесна. Во наредниве денови работните групи на власта и на опозицијата ќе направат последен обид за усогласување на ставовите околу предлогот Законot за Јавното обвинителство. За овој закон преговорите почнаа во почетокот на минатата година, но завршија без успех.

Она што сега е на маса, е трета верзија на законот. Времето до распуштањето на парламентот (11-ти февруари) е кратко, ставовите на власта и опозицијата се неусогласени, па голем дел од експертите сметаат дека во такви услови подобро е да не се носи законот, отколку да се донесе набрзина. Но, наспроти ваквите ставови, се очекувањата на власта со Законот за Јавното обвинителство да се заокружат реформите во правосудството, битни за интеграцискиот пат на земјата.

Фото: frontline.mk

 

Последен што ја актуелизираше потребата од овој закон беше новиот еврокомесар за проширување Оливер Вархелји, кој минатата недела во Скопје изрази надеж дека овој парламентарен состав ќе го изгласа законот. Според вицепремерот за евроинтеграции, Бујар Османи, иако законот не е наведен како услов од Европскиот совет или од Комисијата, важно е тој да биде донесен.

„Советот не ни рече „имате уште еден бенчмарк“, но индивидуално, одредени земји членки сметаат дека овој закон е важен предуслов за воспоставување на правна држава“, порача Османи.

Фото: europeanwesternbalkans.com

Сега, во „5 до 12“, темата повторно се тркала на меѓупартиски терен. Лидерот на ВМРО-ДПМНЕ, Христијан Мицкоски, оцени дека „тоа што е предложено од СДСМ е закон што треба во иднина да ги штити криминалните структури на СДСМ што после 12 април ќе заминат во опозиција”. Според лидерот на СДСМ, Зоран Заев, „овој закон ќе ги донесе сите под еднаков третман и никого нема да стави во привилегирана положба, без разлика дали е опозиција или власт“.

Нема трансфер, има конкурс

Како и во претходните случаи, и за овој предлог копјата се кршат околу обвинителите и предметите на СЈО. Во член 108, став 3 од предлогот на законот, се вели дека Основното јавно обвинителство за гонење на организиран криминал и корупција ги презема надлежностите од СЈО, а во став 4 дека обвинителите од СЈО кои постапувале по предметите од надлежност на ова јавно обвинителство, продолжуваат да постапуваат по тие предмети кои се предадени на Јавното обвинителство.

Членот 109 предвидува во рок од 30 дена по влегувањето во сила на законот, Советот на јавни обвинители по предлог на јавниот обвинител на Обвинителство за гонење на организиран криминал и корупција да донесе одлука за зголемување на бројот на јавните обвинители во тоа обвинителство, а во рок од 15 дена од донесувањето на одлуката, да распише оглас за избор на јавни обвинители во Обвинителството за гонење на организиран криминал.

Фото: DW

Од опозициската ВМРО-ДПМНЕ, која има голем број функционери засегнати од истрагите на СЈО кои ги презеде ЈО, сметаат дека овој предлог прејудицира „вдомување“ на обвинителите од тимот на Јанева во Јавното обвинителство за гонење на организиран криминал и корупција

„Ние сметаме дека контроверзиите што ги следеа овие обвинители и ова обвинителство, особено противзаконското земање високи хонорари спротивно на Законот за обвинителска служба и Законот за плати на обвинители, не би требало да им даде повластен третман за таква една привилегија“, рече Антонио Милошоски од ВМРО-ДПМНЕ.

„Тоа не е точно“, возврати министерката за правда, Рената Тренеска Дескоска.

„Секој што ќе го прочита законот, ќе види дека тој предвидува проширување на бројот на обвинители во Обвинителството за гонење на организиран криминал и корупција, за кои потоа ќе се распише конкурс и секој обвинител што исполнува услови ќе може да да конкурира. Значи, тоа не е трансфер на обвинителите од СЈО. Целта беше да се создаде капацитет во Обвинителството за гонење организиран криминал, кој ќе ги има сите предуслови, вклучувајќи ги и човечките капацитети, за да ги преземе зголемените надлежности кои ги има според овој закон“, објаснува Дескоска.

Од опозицијата имале и забелешки за „строги“ одредби за разрешување на обвинители, но засега никој на прецизира конкретно на кои критериуми се однесуваат тие забелешки.

Подобро е со консензус

Во моментов владее воздржаност околу прогнозите дали овој обид да се донесе законот ќе заврши успешно. Според Дескоска, шансите да се донесе законот зависат од вистинската волја на ВМРО-ДПМНЕ, односно од нивната подготвеност да ги стават интересите за евроинтеграција пред интересите на одредени нивни партиски членови, за кои се водат постапки од редовното обвинителство, а беа почнати од СЈО.

„Она што го слушам како најави од страна на ВМРО-ДПМНЕ за одредени забелешки, ако се остане навистина на тоа што е, може да дојдеме до договор. Но, јас не можам да прејудицирам сè додека не ги видиме написмено нивните ставови и забелешки, бидејќи честопати она што декларативно го кажуваат и она што ќе го напишат како конкретен амандман се разликува, и честопати во тие амандмани се кријат одредени задни намери особено за случаите на СЈО“, рече Дескоска.

Социјалдемократите досега неколкупати излегоа со став дека системски закон каков што е овој за Јавното обвинителство, е добро да се донесе со консензус со најголемата опозициска партија, но во меѓувреме работат и на обезбедување двотретинско мнозинство и без неа.

ВМРО-ДПМНЕ Закон за ЈО СДСМ
Share. Facebook Twitter LinkedIn Email
ТИКЕР

Украина ѝ предаде на Литванија заробен Русин за да му се суди за воени злосторства

October 31, 2025

Литванија привремено го затвори воздушниот простор над главниот град поради балони

October 31, 2025

Летонскиот парламент ја повлекува земјата од Истанбулската конвенција документ за спречување и борба против насилството врз жените

October 31, 2025

Турција почна со обука на сириската армија

October 30, 2025

Кипар – родова еднаквост и на семафорите

October 30, 2025
ФОКУС

Пекинг до САД: Кинеското повторно обединување со Тајван е незапирливо

ВЕСТИ October 31, 2025

Кинескиот министер за одбрана Донг Џун денеска во разговорите на високо ниво во Малезија изјави…

Српските студенти маршираат кон Нови Сад – утре една година од трагедијата

October 31, 2025

Комунална хигиена: Нема нафта за камионите – УО бара спас од Арсовска

October 30, 2025

ЈОРСМ: Две лица од раководството на ЈП „Комунална хигиена“ приведени за загрозување на животната средина и природата со отпад

October 27, 2025
ТИКЕР

Украина ѝ предаде на Литванија заробен Русин за да му се суди за воени злосторства

October 31, 2025

Литванија привремено го затвори воздушниот простор над главниот град поради балони

October 31, 2025

Летонскиот парламент ја повлекува земјата од Истанбулската конвенција документ за спречување и борба против насилството врз жените

October 31, 2025

Турција почна со обука на сириската армија

October 30, 2025

Кипар – родова еднаквост и на семафорите

October 30, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.