Зоран Иванов
Техничката влада е непродуктивен кабинетски бирократско партиски аферџиско оговарачки клуб за предизборна забава.
Но, нема никаква причина да иʼ се верува на актуелната партиска гарнитура на власт, веќе евидентирано до лакти извалкана во изборни криминали, дека на наредните избори нема изборно да ги злоупотребува заедничките државни ресурси.
Во едни вакви околности дефинирани во насловот на овој текст, можеби, само можеби, решението, како супститут за пржинската влада, би можел да биде консенсуална меѓупартиска согласност за некаква друга контролна форма, за некаков поинаков предизборен и изборен супститут за техничката.
Можеби клучот за фер македонски избори би требало да се бара во барање зајакната меќународен предизборен и изборен надзор.
Практично, робусен меѓународен тим контролори со широки надлежности врз институциите и нивните кадровски и материјални ресурси кои би можеле да бидат изборно злоупотребени во корист на владејачката гарнитура.
Па, ако опозицијата е со право скептична во врска со последиците од укинувањето на техничката влада, а власта коинечно искрена во аргументите за нејзино депонирање во историјата, и на едните и на другите ете им ја ЕУ – првите наредни парламентарни, заедно со ДИК, со широки меѓународни овластвања да ни ги организираат, надгледуваат и спроведат бриселските бирократи.
Вака како што насилно тргнала власта за едностраното укинување на техничката влада, ќе е тоа само уште еден чин на насилие.
Уштре едно угоре за власта но и уште едно веќе видено и слушнато – удолу за државата.