Published: Thursday, December 29, 2016 12:57
Владата на Сирија предводена од Башар Ал-Асад и бунтовниците договорија прекин на огнот, а Русија и Турција ќе бидат гарантори на договорот, соопшти рускиот претседател Владимир Путин.
Во овој договор кој ќе почне да важи од полноќ, не впаѓаат евентуални активности на ИСИС или Ал-Нусра, туку е договор по кој Башар Ал-Асад и опозицијата ќе почнат преговори за средување на кризата.
Ова доаѓа по најавата на министерот за надворешни работи на Турција, Мевлут Чавушоглу дека двете земји се обидуваат да гарантираат мир во Алепо, односно Сирија.
За време на конфликтот кој трае над 5 години во Сирија, Русија го поддржува Башар Ал-Асад, додека Турција ги поддржува бунтовниците.




