Менџментот на рудникот САСА и синдикалните лидери на вчерашниот состанок постигнале согласност за итен прекин на блокада на пристапниот пат кон рудникот.
На состанокот присуствувале претседателoт на Сојузот на синдикатите на Македонија (ССМ), Дарко Димовски, претседателот на Мултиетничкит синдикат на образованието (МЕСО), Драге Јовановски и генералниот секретар на Синдикатот на индустријата, енергетиката и рударството (СИЕР), Марија Анчева, а целта, како што соопштија од менаџментот на рудникот е да се изнајде решение, во согласност со Законот за работни односи, кое ќе овозможи продолжување на редовното функционирање на рудникот.
На состанокот од страна на претседателот на ССМ, Димовски и претседателот на МЕСО, Јовановски презентирале документација што ја барал менаџментот на САСА, која според законот е неопходна како доказ дека овој синдикат легитимо ги претставува интересите на дел од вработените во САСА.
На состонокот бил потпишан протокол со која страните се обврзаа дека во рок 20 дена, согласно регулативата, двата репрезентативни синдикати (СИЕР и МЕСО) ќе формираат заеднички тим за преговори со менаџментот на рудникот.
Менаџменот на рудникот, како што се нагласува во соопштението, уште еднаш нагласил дека тие остануваат подготвени да разговаат за сите барања на вработените во САСА, но исклучиво според процедурите предвидени со Законот.