Одбраната на Зоран Заев, на денешното рочиште за Поткуп побараа од Јавното обвинителство за организиран криминал да назначи нов обвинител на местото на Владимир Милошевски, кој во моменто во застапува обивнението во овој случај, бидејќи му е истечен мандатот на 30 ноември минатата година.
Според одлуката на Советот, што ја приложија адвокатите, Милошевски бил времено распореден во Основното јавно обвинителство за организиран криминал и корупција на 1 јуни 2016 година до 30 ноември, кога му истекол мандатот.
Адвокатот на Заев, Јаким Неделков од судот побара да се изјасни и да донесе решение дали ќе му дозволи на јавен обвинител со истечен мандат и без легитимитет да застапува обвинение. Во тек е пауза за време на која судијката и членовите на судечкиот совет треба да донесат одлука по ова барање.
На минатото рочиште одбраната побара изземање на обвинителот Владимир Милошевски од овој случај, бидејќи, како што рекоа, СЈО има предистражни дејствија за монтирање на случајот против Заев.
Јавното обвинителство за организиран криминал го одби барањето, а СЈО во соопштение појасни дека конкретно против обвинителот Милошевски не води постапка, но дека отворило постапка за истражување на сомневања за монтирање случај против Заев.
Заев и неговите адвокати бараа изземање на Милошевски, бидејќи, според нив, од политички мотиви тој е учесник во злосторничко здружување за да се монтира случајот „Поткуп“. Одбраната се сомнева дeкa токму Милошевски ја дал снимката од кабинетот на градоначалникот од која се гледа дека Зоран Заев од струмички бизнисмен наводно бара пари како противуслуга за издавање дозвола за градба.