Дел од пратениците на ВМРО ДПМНЕ се повлекоа од дискусија во Собранието.
Пратениците на ВМРО ДПМНЕ се откажаа од своите дискусии на собраниската седница за пристапување кон уставни измени.
Од дваесетина пратеници колку што беа пријавени, од своите говори се откажаа Весна Пемова, Зоран Ѓорѓиев, Лилјана Затуровска, Лилјана Кузмановска, Дафина Стојановска, Иван Иванов, Борис Змејковски.
На листингот на говорници останаа пратениците од ВМРО ДПМНЕ – Елизабета Канчевска Милевска , Трајко Велјановски, Нола Исмаиловска и пратениците Владанка Авировиќ од СПМ и Панчо Минов од ГРОМ.
Според информации на НОВА ТВ, повикот да се повлечат и да не говорат во Собранието стигнал од раководството на партијата односно лично од претседателот Христијан Мицкоски, откако спикерот Талат Џафери не дозволи тој да се обрати на собраниската седница.
Џафери повикувајќи се на Деловникот кажа дека не може лице кое не е пратеник да се обрати од собраниската говорница.
Во попладневниот дел од седницата, пратениците на ВМРО ДПМНЕ не ни реплицираа на говорите на пратениците од СДСМ.
Во моментов во Собранието говорат пратениците од парламентарното мнозинство. За дискусија има пријавено помалку од 30 пратеници.
Собраниската седница следете ја во живо на следниот линк.