Граѓаните кои скенираат фискални сметки од почетокот на месецот ќе ги добијат средствата од повратот на ДДВ за второто тримесечје од оваа година.
Според податоците од Управата за јавни приходи (УЈП), заклучно со 30 јуни се скенирани вкупно 41.650.814 милион фискални сметки, направен е промет од 21.414.380.426 милијарди денари, а вкупниот поврат изнесува 334.556.243 милиони денари односно 5.440.000 милиони евра.
За второто тримесечје, граѓаните ќе добијат поврат на 15 отсто од прикажаниот промет во фискалната сметка. Во тековниот, трет квартал, според измените што ги направи Владата, ќе се врши поврат на 20 отсто од ДДВ за домашни производи и услуги и 10 отсто за странските.
Според податоците на УЈП, во април, во мај и во јуни оваа година биле регистрирани нови 24.974 корисници на апликацијата „Мој ДДВ“. Од УЈП и апел до граѓаните за ажурирање на наведените податоци во апликацијата за да се овозможи непречена и редовна исплата на повратот.