Директорите на училиштата во Чикаго по налог на градската управа, забраниле читање и проучување на светски познатиот стрип „Персеполис“ на иранската авторка Мерџан Сатрапи во кој авторката зборува за општествените промени во Иран за време на Исламската револуција и дека стрипот мора да се отстрани од библиотеките.
По ова следуваа остри јавни критики, по што јавните школи во Чикаго се откажале од овој потег, јавувајќи дека стрипот е отстранет само од програмата на вториот клас во средните училишта, но не и од библиотеките.
– Разбираме зошто пуританците се застрашени од оваа графичка новела, затоа што Сатрапи искрено и бескомпромисно проговара за спротивставувањето на авторитетите, училишните и општествените структури, расизмот и родовите предрасуди. Јасно е дека властите не сакаат учениците критички да размислуваат за овие прашања – велат здруженијата поддржувачи на делото на Сатрапи.
Голем број американски книжевни организации велат дека оваа чудна одлука е „педагошки неразумна и законски сомнителна“.
Самата Сатрапи смета дека оваа забрана е срамна.
„Во стрипот не постојат фотографии на мачења. Мојот стрип не прикажува стравични сцени. Цензорите би требале да понудат подобро објаснување“, изјавила Сатрапи.