Пратеникот на ЗНАМ Миле Цеков го напушти парламeнтарното мнозинство и во иднина ќе дејствува како независен пратеник.
Одлуката тој ја соопшти пред малку изјавувајќи дека „ ќе ги поддржи сите решенија што ќе бидат во интерес на граѓаните.
Нема да бидам дел од мнозинството, но ќе го поддржам секое решение што ќе биде во интерес на граѓаните. Станав дел од политиката за да се борам со системските неправди и за промена, но промените не се случуваат. Не прифаќам да живеем во држава на корупција и криминал , рече Цеков.
Цеков подолго време не се согласуваше со раководството со ЗНАМ, за повеќе прашања па и за уставните измени.
Немам ништо против и да гласам за уставните промени. Јас лично немам ништо против тоа бугарскиот етникум да се внесе во Уставот – ние не губиме ништо од тоа. Исто така имам забелешки кон одредена реторика и наратив кон нашите соседи, сметам дека тоа е погрешен пристап. Треба да се пристапи кон дијалог и разговор, затоа што тие ни се први соседи и први соработници, рече неодмна Цеков.