Песната со која Македонија ќе се натпреварува на Eвросонг во Малме се вика „Пред да се раздени“ објавува Вест
Песната е замена за промовираната па повлеченa „Империја“ по бурните реакции во јавноста дека песната е лоша, а спотот за неа е искористен за политичка промоција на владиниот проект Скопје 2014. Новата песна е со истите изведувачи Есма и Лозано а во неа Есма ќе пее на ромски, а Лозано на македонски јазик.
Новата песна ја направија композиторот Дарко Димитров и поп пејачката Елена Ристеска, а делот на Есма за да бил доловен ромскиот мелос пак го работел нејзиниот син Симон. Претходната Империја беше направена од синот на Есма, а скандалозниот спот го изработи скопската продукција Егзит Б.
Државната телевизија песната и спотот прво ги промовираше во специјална вечерна емисија во живо, а по експресните бурни негативни реакции се огради дека тие не стојат зад неа туку се само организатори како секоја година на учеството на Македонија на евросонгот овој пат во Малме-Шведска.