Албанскиот претседател Бајрам Бегај, денеска упати порака по повод 15 годишнината од членството на Албанија во НАТО. Социјалистичкото мнозинство го поднесе предлогот за формирање на специјална парламентарна комисија, за надзор и борба против дезинформациите и другите форми на странско мешање во демократските процеси во Албанија, пишуваат албанските медиуми.
Ова се дел од темите од денешниот редакциски избор на ЦИВИЛ Медиа, од албанските медиуми во регионот.
АЛБАНИЈА
Опинион: 15 години од членството во НАТО, Бегај – Албанија ќе придонесе за свет во мир
Албанскиот претседател Бајрам Бегај денеска упати порака за 15-годишнината од членството на Албанија во Северноатлантскиот договор.
„Членството на Албанија во НАТО е еден од најважните датуми во нашата национална историја. Благодарност до албанскиот народ, САД и сојузниците кои го овозможија ова членство.
За овие 15 години во НАТО, Албанија донесе поголема безбедност во земјата, регионот и евроатлантскиот простор.“, изјави меѓу другото Бегај, пренесува Опинион.
Топ Чанел: Руски дезинформации во Албанија/ Социјалистите предлагаат Комисија против странско мешање
„Извештајот на британскиот експерт Оливија Грифитс во 2019 година „Анти-НАТО дезинформации на Западен Балкан“ покажа како Русија се обидува да шири лажни вести и да го прошири своето влијание во Албанија главно преку онлајн портали.
Пет години подоцна, бидејќи дезинформациите не се само регионален проблем,.“, пренесе Топ Чанел.
КОСОВО
Перископи: Србите од северно Косово против учество во процесот на попис на населението
Србите од северно Косово го изразија своето противење на учеството во процесот на попис на населението од 5 април до 17 мај 2024 година. Жителите се против идејата за попис бидејќи не се согласуваат со политиката на Албин Курти и се надеваат дека ќе станат дел од пописот што го организира самата српска држава.
Нема индикации, барем досега, дека процесот може да пропадне на северот на земјата. Прелиминарните резултати ќе бидат објавени по три месеци, додека конечните резултати ќе бидат објавени до крајот на годината. Последниот попис на населението на Косово е направен во 2011 година, каде од овој процес вкупниот број на жители на Косово се проценува на околу 1,8 милиони, пренесе Перископи.
Зери: Специјалниот обвинител појаснува како ќе бидат фатени Србите кои извршиле силување за време на војната во Косово
„Обвинителот на Специјалното обвинителство на Косово, Илир Морина, ги откри процесите иницирани за воспоставување правда во однос на сексуалното насилство за време на војната, каде податоците што ги дадоа организациите говорат за околу 20.000 случаи.
Морина вели дека иако е доцна, веќе се започнати неколку паралелни истраги кои интензивно истражуваат некои настани во кои се вмешани поранешните полициски и паравоени сили на поранешна Југославија.“, пренесе Зери.
КОЛУМНА
Јава Њуз: Корупцијата посилна од нормалноста
„Не поминува ден, а да не се прочита или слушне за апсења и обвинувања за корупција. Оваа ситуација е толку претерана што изгледа како да сме во „содома“ на корупција.
Разбирливо е дека главните стрели со право се на третиот мандат на Рама, но кога ќе се сетите на настапот на неговите претходници, додадени на проблемите на бројните администрации до денес, разбирате дека корупцијата е длабоко вкоренета.
А, кога знаете како функционира законодавниот дом, луѓето кои ги претставуваат Албанците таму, пречките што ги поставуваат медиумските власти за податоците, разбирате дека борбата против корупцијата ќе остане тешка.“, пишува авторот Бен Андони во колумната „Корупцијата посилна од нормалноста“, објавена во Јава Њуз.
Подготви: Д. Тахири / Цивил Медиа