Во Скопје вечер во 20 часот, во „Холидеј Ин“ ќе се одржи премиерата на документарниот филм „Вратете ни го чаламот“ посветен на најголемите успеси на македонски кошаркарски клуб „Работнички“.
За ова информира градоначалникот на Општина Центар од СДСМ, Горан Герасимовски. Тој посочува дека документарниот филм зборува за историјата, за успесите, но и за сите оние кои никогаш не се откажаа од „Работнички“, без разлика на времињата, резултатите или предизвиците. (Видео)
-Легендата продолжува да живее! Се враќаме на гордоста, на спомените, на победничкиот дух што „Работнички“ го носи со себе уште од првиот ден. Горд сум што дадов поддршка за реализација на овој филм, кој во продукција на „Слобода филм“. Го враќаме чаламот на Работнички, со нова сала и многу победи, вели Герасимовски.
Документарниот филм е во продукција на „Слобода филм“, а финансиски поддржан од Општина Центар.