Претставата „Машко/женски-женски/машки“ е меѓународнана копродукција на „Фрлачи на сенки“ (Shadow casters) од Загреб и Театарот & ТД од Загреб и Фестивалот МЕСС од Сараево премиерно ќе биде изведена во Македонија, во НУ Центар за култура – Битола на 8 декември 2013 год. (недела), со почеток од 19.30ч.
Прашањата кои ги поставува оваа претстава се: каков е статусот на машкиот и женскиот идентитет на почетокот на втората деценија на 21 век после сите историски (р)еволуции, метаморфози, транзиции, трансгресии и регресии? Како може денес да се дефинира машкото и женското прашање и дали тоа е вооппшто прашање или нешто друго?
И како можеме, прифаќајќи ги заедничките различности, да формираме врамнотежена заедница како темел за развојот и просперитетот на хрватското општество
или пак општеството, генерално гледано? Како квалитетно да ги преиспитаме општите стереотипи за родните улоги на мажите и жените во 21 век?
Претставата, во која играат врвни хрватски и босански актери и актерки, познати од театарот, филмовите и ТВ сериите, ги привлекува и публиката и организаторите. Специфично за оваа претстава е и истражувањето на еден малку застапен вид на авторски театар т.е. оној во кој самите актери се автори и кои во ко-авторство со публиката ги одредуваат, насочуваат и ги модерираат текот на претставата и статусно го преиспитуваат односот меѓу актерите и публиката. Со самото тоа секоја изведба е уникатна т.е. единствена и неповторлива. Она што е клучно и за оваа претстава на „Фрлачи на сенки“ е специфичниот емотивен однос на актерите кон публиката.
Претставата досега играла во Загреб, Сараево, Сплит, Пакрац, Опатија, Пула, Нови Сад, Суботица и Љубљана а гостува во Битола преку соработката на НУ Центар за култура – Битола, „Фрлачи на сенки“ од Загреб „Факултет за работи што не се учат“ и АКТО фестивалот за современа уметност.
Ова е втора соработка на „Фрлачи на сенки“, НУ Центар за култура – Битола и „Факултет за работи што не се учат“ по настанот „Сеќавање на еден град“ составен од две јавни дискусии и работилница одржани во НУ Центар за култура – Битола, во јануари, оваа година а трета со „Факултет за работи што не се учат“ по регионалната конференција „Сеќавање на еден град“: Микроутопии и стварности“ (22 и 23 ноември, 2013 год.) и работилницата „Аутомакедонија – сигурно место?“ (20-22 ноември, 2013 грд.).
„Фрлачи на сенки“ се креативен кплектив кој неформално делува од 2001 год. а формално од 2002 год. како уметничка организација регистрирана кај Министерство за култура, како задруга, обединувајќи го триесетгодишното професипнално искуство на нејзините основачи Борис Бакал, Катарина Пејовиќ, Станко Јузбашиќ и Жељко Сердаревиќ.