Борнмут имаше големи 3:0 против Арсенал на домашен терен во 20 коло во Премиерлигата, но „топчиите“ на крајот, сепак, успеаја да ја ублажат бламажата и да освојат барем бод (3:3). Дебитантот во англиската фудбалска елита беше подобар ривал во првото полувреме и на одмор замина со 2:0. Дениелс, по киксот на Ектор Белерин, обезбеди предност за својата екипата во 16 минута, во 20. зголеми Калум Вилсон од пенал.
Сликата на теренот остана иста и во воведните 15-тина минути од продолжението. Судијата најпрво поништи гол на Борнмут на почетокот на вториот дел, но домашните постигнаа регуларен во 58 минута за 3:0 како навестување на дебакл на составот на Арсен Венгер.
Арсенал дури во 70 минута ја имаше првата закана во рамки на голот на Борнмут. И успешна. Погоди Алексис Санчез, а во 75 минута меѓу стрелците се додаде и Лукас Перес за драматичен финиш на средбата. Асистент при двата гола беше Оливие Жиру ко во втората минута од судиското продолжение и самиот реализира за конечни 3:3.
Свонси славеше на гостувањето кај Кристал палас со 2:1, а Стоук пред своите навивачи го победи Вотфорд со 2:0.