Лестер го има најлошиот биланс по 24 меча во сезоната што го прават најлош шампион во историјата на Премиерлигата. „Лисиците“ загубија на домашен терен од Манчестер јунајтед со 0:3 во последната средба од 24 коло во англиското фудбалско првенство и се веднаш над зоната за испаѓање, заедно со Мидлсборо и Свонси, со само бод повеќе од Хал.
Мкитарјан во 42 минута, Ихрахимовиќ во 44-та и Мата во 49-та беа стрелци за тимот од „Олд трафорд“ за прв триумф по трите нерешени исходи едноподруго, но и за, вкупно, 13 пораз на Лестер во шампионатот, четврти во низа. Тимот од „Кинг Пауер“ стадионот е првиот по Тотенхем во 1986 година без постигнат гол пет натпревари во серија.
„Црвените ѓаволи“ со 11-та низа од 15 меча без пораз, прва по ерата на Фергусон
Манчестер јунајтед го комплетира 11 серија од најмалку 15 средби без пораз во Премиерлигата, прва по ерата на сер Алекс Фергусон. Рапсодијата на „црвените ѓаволи“ ја почна ерманскиот репрезентативец во финишот на првото полувреме со реализација како резултат на прекрасна соло акција, а 88 секунди по него се надоврза и Златан Ибрахимовиќ по асистенција на Антонио Валенсија.
Швеѓанецот погоди непосредно пред одморот и со 35 години и 125 дена стана највозрасниот играч во аналите на елитниот англиски клупски фудбал со најмалку 15 погодоци во една сезона. Дилемите околу победникот испарија накусо по паузата. Хуан Мата „стрелаше“ по асистенција на Мкитарјан за 3:0, слика на семафорот што остана непроменета до крај.
Претходно денеска Манчестер сити го надигра Свонси со 2:1.
Премиерлига, 24 коло
Лестер – Манчестер јунајтед 0:3
Манчестер сити – Свонси 2:1
Тотенхем – Мидлсборо 1:0
ВБА – Стоук 1:0
Челзи – Арсенал 3:1
Евертон – Борнмут 6:3
Хал – Ливерпул 2:0
Кристал палас – Сандерленд 0:4
Саутемптон – Вест Хем 1:3
Вотфорд – Барнли 2:1
Табела: Челзи 59, Тотенхем 50, Манчестер сити 49, Арсенал 47, Ливерпул 46, Манчестер јунајтед 45, Евертон 40, ВБА 36, Вест Хем 31, Вотфорд 30, Стоук 29, Барнли 29, Саутемптон 27, Борнмут 26, Мидлсборо 21, Лестер 21, Свонси 21, Хал 20, Кристал палас 19, Сандерленд 19.