Премиерот Ковачевски на ФБ: Благовремената и координирана реакција го спречи ширењето на пожарот и предизвикување на поголема штета

Претседателот на Владата Димитар Ковачевски на својот Фејсбук профил објави дека вечерва телефонски разговарал со градоначалникот на Битола, Тони Коњановски за да се информира за состојбата со пожарот во фабриката „Жито Битола“.

–Министерот Спасовски и директорот на ЦУК, Стојанче Ангелов се во постојана комуникација со општината, а екипите на МВР навремено пружија поддршка за локализирање на пожарот. Благовремената и координирана реакција го спречи ширењето на пожарот и предизвикување на поголема штета, напиша Ковачевски на ФБ, за немилиот настан со пожарот во битолската фабрика за производство на леб „Жито Битола“.