На насловната страна на весникот Press RS се најде драматичен наслов „Нередите во Федерацијата се повеќе мирисаат на војна: На дeмонстрантите им е ветено оружје за напад на Република Српска!!!“
Имено според “доверлива“ информација на “политичкиот аналитичар“ од Тузла, Мехмедалиј Нухиќ, организаторите на протестот во Федерацијата БиХ „почнале да набавуваат оружје кое би требало да го употребат против граѓаните на Република Српска’.
Нухиќ на сите љубители на теориите на заговот им порачува дека „поедини активисти на неформалната организација Удар престојувале во странство, каде поедини разузнавачки група им дале на располагање магацини со оружје“.
Тој за „Прес Република Српска“ рекол дека „не постои ниту мал сомнеж дека социјалниот бунт во ФБиХ е максимално исполитизиран и ставен во функција на насилна унитаризација на БиХ“.
„Директните интереси на босанските демонстрации поврзани се исклучиво со територијата на Српска. Она што се сака да се постигне со овие протести и што стана јасно уште од првиот ден е насилна промена на Уставот на БиХ“, вели Нухиќ.
Тој наведува дека брзо станало јасно дека тоа не се демонстрации во кои гладните и невработени бараат леб и работа, туку дека треба да се промовира приказната за „босанското единство“ и уставните промени.
Нухиќ вели дека во позадина на се што се случува во ФБиХ стојат центрите на моќ надвор од БиХ, кои ги носат босанските политичари на брифинзи во странство, каде добиваат инструкции што да прават.
Тој смета дека постои опасност демонстарциите да се прелеат во Бањалука, Бјелина, Добој, Требиње и дека организаторите на овие случувања од секогаш играле на „картата на српското неединство“.