Манчестер сити избегна кикс во третото коло во англиската Премиерлига. Иако се мачеа на гостувањето на „Виталити“, на крајот, сепак, „граѓаните“ успеаја до трите бода против Борнмут (2:1) со погодокот на Рахим Стерлинг во седмата минута од судиското надополнување.
Домашните поведоа со прекрасниот погодок на Чарли Дениелс во 13 минута, осум минути по него израмни Габриел Хезус по асистенција на Давид Силва.
https://www.youtube.com/watch?v=03k86RjSa9g
Борнмут се оправда како тим кој одлично игра пред своите навивачи без разлика против кого игра. Така беше и попладнево против скапо платените ѕвезди на Пеп Гвардиола кои мораа добро да се намачат за конечен триумф што го бркаа до последниот свиреж на Мајк Дин иако ја имаа топката во свој посед во две третини од средбата.
Сити беше поопасен тим во продолжението. Тежиштето на игра го пренесе во полето на Борнмут чија одбрана постојано беше на испит и одолеваше на притисокот што доаѓаше од сите страни. Гвардиола на терен ги испрати и Серхио Агеро за што поскоро осигурување на бодовите, Отаменди ја погоди стативата, но она во што не успеаја гостите во 70 минути од основниот дел на натпреварот, успеаја да го дофатат длабоко во екстра времето преку Стерлинг кој прославата на голот ја плати со црвен картон.
Премиерлига, 3 коло
Борнмут – Манчестер сити 1:2
Кристал палас – Свонси (16 ч.)
Хадерсфилд – Саутемптон
Њукасл – Вест Хем
Вотфорд – Брајтон
Манчестер јунајтед – Лестер (18,30 ч.)
Недела
Челзи – Евертон (14,30 ч.)
ВБА – Стоук
Ливерпул – Арсенал (17 ч.)
Тотенхем – Барнли