Турција денес бира претседател за прв пат на избори кои за оваа функција ги воведе премиерот Реџеп Тајип Ердоган кој исто така е кандидат и фаворит на овие избори.

Според анкетите на овие избори се очекува голема победа токму на Ердоган, во првиот круг, кој е на власт во Турција од 2003 година како премиер. Тоа би значело дека тој ќе добие мандат за трансформација на земјата која меѓународните аналитичари ја оценуваат како исламско-конзервативна.

Во Турција денес ќе гласаат 53 милиони избирачи а резултатот се очекува во текот на вечерта.

Противниците на Ергодан се кандидатот, според анкетите, немаат големи шанси на овие избори по скапата кампања на Ердоган. Двајцата противници се пред се кандидатот на две опизициски партии Екмеледин Исханоглу, историчар од 70 години кој ја водеше Организацијата за исламска соработка и искусен дипломат но кој не успеа за време на кампањата да се наменте. Вториот противник е Курдот и левичарот Селахатин Демиртас, 41–годишен адвокат со фотогенична насмевка чии што изборни говори за слободата и демократијата најверојатно нема да донесат многу успех.

Според анкетите на Институтот Конда, Ердоган ќе добие 57 отсто гласови, многу повеќе од двајцата противници – на Исханоглу му се предвидуваат 34 отсто а на Демитрас само 9 отсто.

Сигурен во себе Ердоган ја заврши својата кампања трумфално барајќи од гласачите да ги преполнат галсачките кутии за да удрат «демократски удар» врз неговите ривали: «Ако Господ тоа го сака, од утре ќе се роди нова Турција», рече Ердоган.

Успехот на Ердоган најверојатно нема да изостане и покрај тоа што во текот на 2013 година тој се соочи со тешкотии како на пример протестите на милиони Турци кои манифестираа против неговото авторитарно и исламистичко владеење. Но револотот на Турција беше угушен со силна репресија која сериозно му ја наруши сликата на демократ.

Освен тоа Ердоган беше заплиснат од скандали за корупција.Тој се бранеше вејелќи дека се плете заговор против него зад кој што стои неговиот поранешен исламски сојузник Фетулах Ѓулен. Ердоган направи промени и чистки во полицијата и се обиде да ги замолчи правдата и социјалните мрежи.

И покрај критиките на негова сметка, Ердоган доби и на локалните избори кои се одржаа во март и успеа да остане најпопуларниот човек во земјата. Неговиот успех се должи пред се на добрата економска ситуација во земјата.

Ердоган мораше, според Уставот, да го напушти местото на премиер во 2015 година но тој има намера да остане на чело на земјата како претседател. Иако функцијата засега е протоколарна, Ердоган има намера да ја реформира преку промена на Уставот.

Според аналитичарите во Турција Ердоган има намера да направи, како што вели самиот, «нова Турција» и да ја тргне «старата Турција» во која се наоѓа интелектуалната и нерелигиозната елита на земјата а која, според Ердоган, е «непријателот на Турција» против која, вели тој, ќе биде уште построг.

«Турција се подгтотвува да влезе во нова ера на политички и социјални тензии и авторитарен режим», напиша весникот Хуријет Делји Њус.