Published: Sunday, January 5, 2014 12:01
Авион на компанијата „Сауди Арабиан ерлајнс“ денеска принудно слета во светиот муслимански град Медина, при што се повредени 29 лица, соопшти портпарол на авиокомпанијата.
Авионот летал од иранскиот град Машхада, а во него се наоѓале 315 патници, изјави портпарoлот на Цивилната авијациска служба, Халид ал Хајбари.
Од 29 повредени, 11 се пренесени во болница, а на останатите им е дадена помош во медицинскиот центар на аеродромот.
Хајбари не прецизираше за каков тип на авион станува збор, ниту која е причината за принудното слетување.