Министерот за надворешни работи, Бујар Османи, оствари средба со новоименуваната амбасадорка на САД, Анџела Прајс Агелер, по повод предавањето на копиите од акредитивните писма, соопшти утрово неговиот кабинет.
На средбата Османи изразил уверување дека со нејзиното искуство амбасадорката Агелер ќе придонесе кон понатамшно продлабочување на билатералните односи и зајакнување на соработката.
Соговорниците го поздравиле развојот на севкупните односи меѓу Македонија и САД, засновани на традиционално пријателство и споделени демократски вредности.
Османи ги нагласи првичните резултати кои произлегуваат од Стратешкиот дијалог со САД, како ново поглавје во односите и надградба на стратешкото партнерство, како и посветеноста за дефинирање на идните активности кои имаат за цел понаташно поттикнување на рефомските процеси и демократски развој на државата.
Шефот на македонската дипломатија се заблагодарил за континуираната американска помош за нашиот евроинтегративен процес а било потенцирано и сојузништвото меѓу двете земји во рамки на НАТО Алијансата, со посебен акцент на руската воена агресија во Украина.