Published: Wednesday, July 27, 2022 10:05
Ноќеска во 00.15 часот на местото викано „Нова Петла“ во Гевгелија, полициски службеници од полициската станица Гевгелија го лишиле од слобода А.С.(35) од с.Ињево, радовишко.
На местото, полициските службеници запреле товарно возило „сканија“, со прилепски регистарски ознаки, со полуприколка и при преглед во полуприколката биле пронајдени 88 лица мигранти (56 од Сирија, 21 од Пакистан, 10 од Индија и 1 од Јемен), од кои 12 се малолетници. Мигрантите биле сместени во Прифатно-транзитниот центар „Винојуг“ во Гевгелија, а А.С. бил задржан во полициска станица.
По целосно документирање на случајот против него ќе биде поднесена соодветна пријава.