Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Производството на медицински канабис е скап но исплатлив бизнис

0
By Нова ТВ on September 29, 2019 ВЕСТИ
СПОДЕЛИ
Facebook Twitter LinkedIn Email
Published: Sunday, September 29, 2019 11:51

Eдна милијарда евра годишно, толкава би била финансиската придобивка за државата од одгледувањето медицински канабис. Но, колку сме подготвени за ваков „проект“ што се вбројува меѓу најдоходовните во светот и дали ќе успееме да ги „претркаме“ Хрватска и Португалија, на пример, кои сериозно тропаат на европската врата како идни производители?

Според познавачите, оние што ја туркаат оваа иницијатива и што сакаат поскоро да се реализира, доволно е да се располага со 100 хектари оранжерии, и тоа во околината на Прилеп, Крушево и Струмичко. Најповолни за медицинскиот канабис, велат, се регионите каде што има тутун и пипер. Таму би можел да се направи т.н. зелен град.

Стефан Поп Дучев, сопственик на компанијата „Ина енерго систем“, во разговор за МИА истакнува дека интерес и услови за одгледување постојат. Имаме и капацитет. Потребни се уште знаење и технологија.

– Ова не е производство на домати или краставици. Медицинскиот канабис е 10.000 пати поскап процес од раноградинарството. Профитабилноста е 400 отсто годишно. Тоа е сериоза сума, една од водечките во светот по доходовност. Но, за да се добие тој профит, многу е важно да вложиме во опрема и во знаење. Без тоа не можеме да добиеме ништо. Потенцијал, интерес и инвеститори има. Ни треба законска рамка, регулација и да научиме како, потенцира Поп Дучев.

Основно е, смета, да се појавиме на „мапата“ со производство. Компаративно сме добро географско подрачје и тоа за масовно одгледување, кое значи привлекување многу странски инвеститори.

– Ако набрзо не го отвориме целиот овој пакет, големите инвеститори кои ги очекуваме ќе отидат во други земји. Вложувањето не е мало, а е исклучително доходовно. Придобивките од тоа ќе ги почувствува целата држава. Повратот на инвестицијата секојпат се цени на два – три месеци, дополнува Поп Дучев.

Она што мора најбрзо да се направи, оценува, е либерализација на извозот на цвет од канабис и формирање три институции: агенција за канабис, национална лабораторија за канабис и институт за канабис.

– Очекуваме сериозна поддршка од Владата во смисла на законска регулатива и институционално комплетирање. Во моментов владее недодефинираност на квалитетот и квантитетот на медицинскиот канабис за да може како производ да се продава на светскиот пазар. Неопходно е докомплетирање на државните институции потребни за реално да се појавиме на светската мапа на произведувачи на медицински канабис и изнаоѓање компании или институт кој ќе изврши обука за техничките системи. Предуслов, секако, е и агрономското предзнаење за одгледување и добивање на овој производ, подвлекува Поп Дучев.

Од 2016 година, кога беше донесен Законот за либерализација на одгледувањето марихуана, досега нема посериозни поместувања во однос на добивање квалитетен производ што може да се продава. Дури сега, во 2019 година, може да се каже дека се чувствуваат некакви придвижувања.

Во дивите одгледувачи на марихуана Поп Дучев не гледа конкуренција, зашто медицинскиот канабис, објаснува, се одгледува само во строго контролирани услови.

– Секое одгледување настрана од овие услови значи производство на марихуана за црн пазар. Самото растение штом ќе почувствува несоодветни услови, модифицира кон марихуана. Тоа ние не го фаворизираме, дециден е соговорникот.

Неговата компанија сериозно загазува во бизнисот со медицински канабис. Освен инвестицијата во висока технологија, отвора и школа за мастер одгледување – за создавање стручен кадар.

– Има Предлог-закон што треба да го легализира извозот на цветот од марихуана, зашто на канадско-американскиот пазар веќе многу се бара. Го очекуваме најбрзо што може, зашто добар дел компании имаат производство на цвет што им стои на залиха во магацините и ќе мора брзо да се продаде. Во овој момент можеме да извеземе само масло. Има одредена количина масло, минимална, а многу е дискутабилен и квалитетот на цветот кој треба да се екстрахира во масло. Сепак, има некакво производство, дополнува Поп Дучев.

Употребата на медицинскиот канабис како лек е легализирана во многу земји. Меѓу водечките пазари се Британија и Германија. Во нашите аптеки, според Поп Дучев, може да се најде лек само на база на коноп. И ова е сегмент што со закон треба да се опфати.

Врвен призводител на масло од канабис засега е Израел, каде што се направени голем број клинички испитувања што го докажале лековитото својство на маслото. И Германија четири години работела на студија што покажува бенефиции од маслото.

Конкретни податоци нема за тоа  колку масло произведуваме. Има 20-тина лиценцирани компании, од кои две или три се потенцијално подготовени да добијат одреден производ.

канабис
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.