Во Салон 19,19, вечерва ќе биде промовирана книгата „ Македонка балетска сена“, во издание на “Панили“ од Емилија Џипунова.
Емилија Џипунова, балерина и балетски критичар, една од основопложниците на балетската уметност во Македонија.Покрај балетското образование го заокружува своето високо образование како апсолвент на Филозофскиот факултет, во Скопје.Таа е долгогодишен солист на балетот при Македонската опера и балет, каде што остварува бројни улоги.Подоцна започнува со балетска критика и е активна во тоа поле.
Авторка е на две телевизиски серии за балетска уметност и соработник на многу научни публикации.За својата работа и придонес добитник е на повеќе значајни награди и признанија.
Книгата во која се собрани поголем дел осврти на Емилија Џипунова, кон настаните од
областа на Балетската уметност изведени на македонската балетска сцена и алтернативните простории во Скопје и надвор од земјата.Осврти печатени во дневни весници,списанија и во емисии.
Книгата ќе ја промовираат, проф.др.Љубинка Басотова и др.Соња Здравкова Џепаровска, музичка изведба на Роска Бадева,пијано и настап на ученици од ДМБУЦ „Илија Николовски Луј“.