Просечната плата во јануари била 29.980 денари

Според најновите податоци на Државниот завод за статистика во јануари 2022 година исплатената нето-плата по вработен, изнесува 29.980 денари, соопшти Владата. Во споредба со просечната нето-плата за месец јануари 2021 година, зголемувањето е за 1.708 денари или за 6 проценти.
Зголемувањето се должи на зголемувањето на просечната месечна исплатена нето-плата по вработен во секторите: објекти за сместување и сервисни дејности со храна (13.9 проценти), други услужни дејности (13.8 проценти) и трговија на големо и трговија на мало; поправка на моторни возила и мотоцикли (11.0 проценти).
Во известувањето се додава и дека невработеноста во четвртото тримесечје од 2021 година бележи пад и изнесува 15,2 проценти.