Фудбалерите ќе бидат префрлени со автобус директно до плоштадот „Македонија“, поради големиот интерес на навивачите, планирано е околу 18.00 часот фудбалерите да ги поздрават граѓаните, но само накратко, 15 -20 минути. Оттаму одат во хотелски карантин каде бидат се до недела, кога треба да отпатуваат за Порто, потврдија за НоваТВ од Град Скопје.
Македонските фудбалери се очекува да слетаат од Палермо денеска околу 17. 30 часот на скопскиот аеродром, потврди за НоваТВ, Златко Андоновски, портпарол на Фудбалската федерација на Македонија.
Фудбалерите се договориле со селекторот Благоја Милевски веднаш по слетувањето да бидат упатени во хотел, во карантин, но сепак, победниците во сензационалниот меч против Италија, прво ќе се упатат на скопскиот плоштад.
– Фудбалерите ќе бидат префрлени со автобус директно до плоштадот Македонија, поради големиот интерес на навивачите, планирано е околу 18.00 часот фудбалерите да ги поздрават граѓаните, но само накратко, 15 -20 минути. Оттаму одат во хотелски карантин каде бидат се до недела, кога треба да отпатуваат за Порто, на натпревар со Португалија, потврдија за НоваТВ од Град Скопје.
Синоќа токму на скопскиот плоштад еуфорично беше прославена победата на македонската фудбалска репрезентација, која, еве, по Германија во март минатата година, сега извојува победа и врз уште еден светски првак во фудбал, репрезентацијата на Италија. Победничкиот гол го постигна Александар Трајковски во 92-та минута.
На Македонија со оваа спектакуларна победа уште повеќе ѝ се отвори вратата за пласман на СП во Катар, но за да учествуваме на Мундијалот треба во вторник да ја победиме и репрезентацијата на Португалија.
Натпреварот ќе се игра од 20.45 часот, а португалските медиуми известуваат дека веќе се чека редица за билети за овој решавачки меч кој ќе однесе во Катар една од репрезентациите.
Фудбалерите на Италија, по синоќешниот пораз, ќе паузираат осум години од учество на светски првенства.
(Љ.Б.)