Протест пред руската Амбасада во Софија по мотото „Стоп Путин“

Граѓански протест под наслов „Стоп за Путин“ вечерва се одржа пред руската Амбасада во Бугарија, јави дописникот на МИА од Софија.

Насобраните, меѓу кои имаше и претставници на украинската дијаспора во Бугарија, го изразија своето несогласување со ставот на Русија за таканаречените Доњецка и Луганска област во источна Украина. Тие носеа украински знамиња и постери „Стоп Путин“, а палеа и свеќи.

Протестот пред руската Амбасада во Софија го обезбедуваше бугарската полиција.

Извор: МИА