Полицијата во Париз употреби солзавец и водени топови за да ги растера демонстрантите што демонстрираа втор викенд против зголемувањето на цените на горивото.
Судирите избија во центарот на Париз и покрај полициските кордони кои беа распоредени на повеќе места во центарот на францускиот главен град. На видеата објавени на социјалните мрежи се гледа како полицијата фрла солзавец за да ги спречи демонстрантите да се упатат кон Елисејските полиња, додека тие извикуваат слогани за оставка на претседателот Макрон.
Околу 280.000 луѓе учествуваа на протестите на повеќе од 2.000 локации низ цела Франција минатата сабота. Демонстрациите беа организирани од движењето „Жолти елеци“.
Околу 3.000 полицајци се распоредени во градот. Некои проценки сугерираат дека 30.000 демонстранти се очекуваат во главниот град.
Демонстрантите велат дека се гневни поради поскапувањето на дизелот, најчесто користено гориво во француските автомобили за 23%.