До вонредните избори во Талјанд остануваат уште 20 дена, а демонстрантите бараат од премиерката Јинглук Шинаватра итно да си поднесе оставка. Шинаватра ги повика лидерите на протестите и лидерите на партиите на разговори.
Демонстрантите, предводени од поранешниот вицепремиер Сутеп Таугсубан, итно бараат оставка од Премиерката, со образложение дека не можат да ја поднесат повеќе на функцијата, пишуваат странските медиуми.
Тие сметаат дека Владата и Премиерката работат во позадина за нејзиниот брат, Таксин Шинаватра, кој е во егзил од 2006 година наваму.
Од друга страна, премиерката Шинаватра напоменува дека законите не и дозволуваат да замине од власта на начинот на кој го бараат демонстрантите. На улиците на Бангкок, 18.000 припадници на полицијата активно работат со цел да го одржат мирот.
Воедно, Шинаватра ги повика лидрите на протестите и лидерите на политичките партии да разговараат во однос на евентуално одложување на предвремените парламентарни избори, кои се закажани за 2.февруари.
Според тамошната Изборна комисија, изборите би можело да бидат поместени за 4.мај.