Од доставените 71.793 спорни гласачи во избирачкиот список коишто биле испратени за проверка во МВР, за 68.965 е утврдено дека поседуваат патни исправи – пасоши. Од овие 68.965 кај 24.413 е утврдено дека имаат пасоши со живеалиште на македонска адреса, но немаат лична карта, иако личната карта е основа за живеалиште, дознава НОВА ТВ неофицијално од извори во МВР.
Исто така, неофицијално се дознава дека разликата од 24.413 до 68.965 се уште е во фаза на проверка.
Бидејќи е огромна и сложена операција, проценките се дека во најбрз можен рок проверката може да заврши за миниум 2-3 месеци.