Генералниот секретар на НАТО, Марк Руте изјави дека побарал од украинскиот претседател Володимир Зеленски да најде начин да ги поправи односите со Трамп, пренесоа повеќе светските агенции.
Она што му го кажав на претседателот Зеленски е: „Верувам, драг Володимир, дека вие треба да најдете начин да ги поправите вашите односи со Доналд Трамп и американската администрација, изјави Руте за Би-Би-Си.
Ние треба да останеме заедно, САД, Украина и Европа, за да донесеме траен мир во Украина“, нагласи Руте.
Разговарав со претседателот Зеленски двапати по телефон. Му реков ова: „Мораме да останеме заедно – САД, Украина и Европа – за да ја доведеме Украина до траен мир“, рече Руте.
Мораме да го почитуваме она што Трамп досега го направи за Украина, му реков на Зеленски.
На прашањето што му рекол Зеленски за средбата со Трамп, Руте одговори дека не може да ги открие деталите од разговорот, но нагласи: „Она што му го кажав јасно е дека навистина мораме да го почитуваме она што претседателот Трамп досега го направи за Украина“, мислејќи на напредните противтенковски системи Javelin што САД претходно му ги доставија на Киев.
Руте нагласи дека Украина нема да биде „никаде“ без американската поддршка.